من طرائف عبدالرحمن بن سعود رحمه الله ( اهداء لعشاق النصر)

طبعآ الأمير عبدالرحمن معروف ماشاء الله عليه بسرعة البديهه

وأجوبته يكون فيها نوع من الضحك ..

إليكم بعض ما سمعت

سئل الأمير عبدالرحمن مره عن أحسن هدف شافه لسامي الجابر ..

فأجاب : أحسن هدف له هو هدفه في دعاية شماغ المراسيم ..

xxxxxxxxxxxxxxx

ومره في برنامج على الهواء دقت عليه وحده وسئلته سؤال مباشر ..

انت أمير المفروض إنك تجلس في الملعب المفروض تجلس في مكان الأمراء

ورد عليها قال : والله ياأختي لو هي على المفروض كان المفروض أنتي في المطبخ
وش دخلك في الرياضه

xxxxxxxxxxxxxxxxxxxxxxxxxxxxxxxxxxxx

ومره سئل عن أحسن فنانات الخليج ..

فأجاب : أحلام وجواد العلي

xxxxxxxxxxxxxxxxxxxxxxxxxxxxxx

وفي يوم من الاأيام كان فيه برنامج في قناة الجزيره عن كأس العالم أعتقد ..

المهم أنهم كانوا يتكلمون عن إستضافت كاس العالم في السعوديه ..

فأتصل شخص من دولة الكويت يقول من وجهة نظره أن السعوديه لا تستطيع

إستضافت كأس العالم ولا تستطيع إستضافت أنديه العالم , لأنها تحتاج إلى إماكنيات عاليه ..

فأتصل الأمير عبدالرحمن بن سعود .. مباشره بالبرنامج بعد الأخ ..فشكر الأخوان على

الموضوع المطروح وقال : أنا أتصلت تعقيبآ على كلام الأخ الكويتي إلي أتصل ويقول السعوديه

لا تستطيع استضافة انديه العالم !!

ياعزيزي السعوديه إستضافت دولة بحكامها وشعبها وأنديتها ولمده أطول من كأس العلم !!!
xxxxxxxxxxxxxxxxxxxxxxxxxxxxxxxxxxxxxxxx



ومره يقولون ان الأمير سلمان بن عبدالعزيز عرض على الامير عبدالرحمن بن سعود

إمارة مدينه الخرج فرفض قائلآ : جماهير النصر أكثر من سكان الخرج ..
xxxxxxxxxxxxxxxxxxxxxxxxxxxxxxxxxxxxxxxxxxxx

ومره يقال أن واحد قال للأمير عبدالرحمن بن سعود أن ماجد عبدالله يلبس سلسال ذهب على رقبته !!

رد عليه الأمير مباشره ..: يأخي ألبس رشرش وإلعب نصف لعبه

xxxxxxxxxxxxxxxxxxxxxxxxxxxxxxxxxxxxxxxxxxx

وسئل مره ليش دائمآ يقولون الهلال والنصر ! ما يقال النصر والهلال مثلآ ..

ورد عليه يأخي بعد تراهم يقولون سيداتي سادتي

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxx

سألوه وش اغرب موقف شفته بحياتك الرياضيه

قال الله يعزّكم الأول الكلب اللي لحق ابراهيم الحلوه بالأردن اظن في البطوله العربيه والكلب الثاني اللي بإستاد جدّه

يقصد خالد قهوجي يوم يمد لسانه في مباراة النصر والأهلي
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxx


رحم الله سمو الأمير الذي كان ملح كأس دوري خادم الحرمين الشرفين وكأس ولي العهد الامين






تحياتي عبدالعزيز

مشكور ياالغالي والله انها تجنن



الله برحمه

رحمة الله رحمة واسعة

الكورة من بعده ليس لها طعم

والغير لعبوا بذيلهم من بعده وطلع لهم لسان بس ماادري وينه قبل يوم انه حي

الله يرحمه رحمة واسعه
صحيح كانت تصريحاته ملح الدوري

بس مرات كان يحط نفسه بموقف حرج
على سبيل المثال
مره قال قبل النهائي مع الهلال
انصح الهلاليين ينسون المبارة ويروحون يستمتعون بالاجواء الربيعية في الثمامه
المهم فاز الهلال في المباراة وسأل المذيع الامير بندر بن محمد وش تخطيطكم
قال والله ما كان عندنا خطط بس الاداره تشوف ان اقتراح الامير عبدالرحمن بن سعود
لما اقترح علينا الثمامه اقتراح جيد ولكن بمعية الكاس



(( يا حبي لك يالهلال بس ))





يعطيك العافيه عبدالعزيز
تحياتي



000

الله يرحمك من بعدك النصر مو نصر

ويعطيك الف عافيه اخويي

الله يرحمة,,,,,ويغفر له ولاموات المسلمين ....



ن

الله يرحمه رحمة واسعه

الكبير كبير يهلال

مع احترامي لجميع مشجعين ال ن ص ر ما ودي اكتبه بشكل كامل >>؟؟؟؟؟؟؟؟؟؟؟؟؟؟

بس في مثل للي يتكلم عن الزعيم الهلال اذا خاطبك ؟؟؟؟ فقولو سلاااااااااااامه...........؟؟

يا اخوان الروح الرياضية حلوه ؟؟؟؟؟؟؟؟؟؟؟؟؟؟

دئماً نقول جميع الانديه السعوديه قوية وكلهم نجوم كبار فلا داعي للتجريح والاستهزاء بلانديه الاخرة؟؟؟؟؟؟؟؟؟؟

تقبلووووو مرووووري بروح رياضية